Është mbyllur protesta e PD, e cila nisi rreth orës 18:30.
Protestuesit u mblodhën në selinë blu, ndërsa Flamur Noka dhe Sali Berisha mbyllën protestën.
“Liria është shumë afër për të gjithë. Sot Rama ka përjetuar një makth të madh, fundi po i troket”, tha nga shkallët e Selisë Flamur Noka.
“Shi triumfi si marshi juaj sot. Kjo datë do të shkruhet me gërma të arta. I kallët tmerrin Ramës. tubimi do vijojë deri në fitore. Nëse unë u them tani, për 25 minuta këta janë në Surrel”, tha Berisha.
Berisha theksoi se një kryengritje si e sotmja Tirana nuk e ka parë asnjëherë. Ndërsa shtoi se ashtu siç edhe ‘u përcoll zv.kryeministrja Belinda Balluku, ashtu do të përcillet edhe vetë Rama’.
Ndër të tjera kreu i PD, njoftoi se brenda selisë së PD është gjetur një pajisjes, dhe se do të verifikohet për çfarë bëhet fjalë.
“Tani na pret kryengritja tjetër. Edi Rama vrimën e miut. Nuk ke ku futesh. Protestën e radhës do t’ua njoftojmë shumë shpejt. Do jetë forma që ta tmerrojë më shumë Ramën. Kërkonte vetëmbrojtjen në bankën e akuzës. Siç përcollëm Lubinë do përcjellim Ramën. Sot prania e të rinjve ishte kampion, ata ishin e vërteta, ata ishin balli i lirisë. Për trashëgiminë e Enver Hoxhës kam zero respekt dhe preokupim . Pyeta cfarë ndodhi më thanë ca njerëz me kostume të murrme dhe uniforma të policisë kriminale, u thotë se këtu banon Rama. Dhe ata iu kthyen. Ata fishekzjarrë ishin kundër Ramës. Në fakt Edi Rama nuk banonte aty , banonte te vila e Mehmet Shehut se i sqarova. Gjenialiteti i opozitës është të organizojë protesta me jehonën më të madhe dhe më të shumëllojta. Kjo ishte një protestë e veçantë, kurrë Tirana nuk ka njohur marshim 3 orë. Ja pra ku janë, janë të gatshëm të nisen me mua në Surrel. Por gjërat kanë planifikimin e tyre, jo pa plan. Kur bëhet plani e nisim dhe e bitisim. Punonjësit kanë kapur një person që kanë vendosur një pajisjes por cfarë është nuk mund të flas sepse duhet të shihet. Por më thanë që është e kushtueshme”, tha ai.
gijotina.com/
Discussion about this post