Sa herë Ousmane Dembélé dëmtohet, një trajner ikën nga Barcelona dhe francezi gjen një fytyrë të re në pankinë kur rikthehet në fushë. Sulmuesi u kthye pak kohë më parë nga dëmtimi i radhës dhe në vend të Koeman gjeti Xavi Hernandez.
Mirëpo Dembélé ka trembur teknikun katalanas kur në minutën e 80-të dhe pasi refuzoi një top për goditje nga këndi, u rrëzua përtokë pasi preku pjesën e pasme të kofshës.
Xavi nuk hezitoi për asnjë moment dhe bëri gati Coutinhon për në fushë, ndërsa më vonë tekniku konfirmoi në konferencën për shtyp se zëvendësimi ishte bërë si masë paraprake, për shkak të një ngërçi.
Në fakt, Dembélé mezi e kuptoi që trajneri kishte vendosur ta zëvendësonte pasi dukej se ai kërkonte të rifutej në fushën e lojës dhe më pas vrapoi disa metra rrugës për në stol.
Discussion about this post