Mbrojtësi i Milanit, Simon Kjaer, zbulon se mund ta mbyllë karrierën e tij me kuqezinjtë e Italisë: “Është klubi perfekt për mua”.
Danezi nënshkroi një zgjatje dyvjeçare të kontratës me gjigantët e Serie A muajin e kaluar.
“E vlerësova, gjithashtu sepse politika e Milanit është të rinovojë për vetëm një vit me lojtarë më të vjetër se 30 vjeç. Ky është sinjali më i mirë që klubi mund të më japë. Nuk do ta ndryshoja karrierën time, ose ndoshta po, mund të kisha luajtur për Milanin për 15 vjet. Ndoshta mund ta mbyll karrierën time këtu”, tha Kjaer për BT.
Kjaer iu bashkua kuqezinjve në një marrëveshje nga Atalanta në janar 2020. Në tetor 32-vjeçari nënshkroi një kontratë të re deri në qershor 2024. Ai ka luajtur 68 ndeshje me ‘Djallin’ duke shënuar një gol. Kjaer është përfshirë në listën e ngushtë të 30 lojtarëve për ‘Topin e Artë’./K.T/Gijotina.com
Discussion about this post