Një pushues është mbytur ditën e sotme në plazhin e Vlorës. Mësohet se viktima është identifikuar si Durim Lekdushi, 71 vjeç.
Nuk dihet nëse i moshuari pësoi infarkt apo ndërroi jetë nga mbytja. Pritet që policia të dalë me një njoftim zyrtar për ngjarjen e rëndë.
Sezoni turistik ka nisur zyrtarisht në mes të majit dhe gjatë këtyre muajve ka pasur disa raste të humbjes së jetës në plazhet shqiptare.
Sipas rregullores për kushtet dhe kriteret e ushtrimit të veprimtarisë së stacionit të plazhit thuhet se “Të gjitha stacionet e plazhit duhet të garantojnë shërbimin me Vrojtues Plazhi, për çdo 80 m vijë lineare bregdetare dhe pajisjen me pika vrojtimi për çdo fraksion 80 m linear”.
Pas vëzhgimit të gijotina.com në Durrës, Golem, Divjakë e Velipojë vumë re se distanca prej 80 m mes pikave të vrojtimit nuk ishte respektuar e po ashtu mungonin edhe rojet bregdetare.
Discussion about this post