Fundoset anija tregtare në Egje, asnjë gjurmë nga ekuipazhi

Një anije tregtare është mbytur gjatë orëve të para të mëngjesit të sotëm, 4 milje detare larg ishullit të Lezbosit në Egjeun lindor.

Sipas rojës bregdetare greke, anija u godit nga stuhia që ka pushtuar Egjeun dhe brenda pak minutash u fundos.

Në zonë ka nisur një operacion kërkim shpëtimi në të cilën marrin pjesë një fregatë e marinës greke, helikopterë dhe anije të rojës bregdetare greke.

Anija ishte nisur nga Egjipti dhe kishte destinacion Stambollin.

Ajo kishte ekuipazh prej 14 personash 8 egjiptianë, 4 indianë dhe 2 sirianë. Ende nuk dihet fati i ekuipazhit.