Një ngjarje e tmerrshme ka ndodhur në brigjet e Bahamas, ku 17 emigrantë vdiqën dhe 25 u shpëtuan, pasi varka me të cilën udhëtonin rreth 60 persona në të është fundosur. Bëhet me dije se, Forcat e sigurisë Bahamiane kanë nxjerrë trupat e 17 personave dhe nuk ka raportime për persona të zhdukur në aksidentin që ndodhi herët në mëngjes të së dielës 11 kilometra larg New Providence.
Kryeministri i Bahamas, Philip Davis, tha në një deklaratë se 15 gra, një burrë dhe një fëmijë ishin në mesin e viktimave. Ai tha se emigrantët e gjetur ishin shtruar në spital dhe se hetuesit përcaktuan se një skaf me dy motorë u largua nga Bahamas rreth orës 1:00 të mëngjesit me rreth 60 persona, ndoshta drejt Miami. Sipas tij, ka nisur një hetim penal në lidhje me kontrabandën e njerëzve.
Discussion about this post