“Fundosi” 8 banda, GJKKO i jep masën e sigurisë Nuredin Dumanit në spital

Gjykata e Posaçme, GJKKO ka dhënë masën “arrest me burg” Nuredin Dumanit në ambientet e spitalit. Dumani u arrestua disa javë më parë, pasi i shpëtoi një atentati në Elbasan.
Ai u prangos në një banesë në Fier, ku strehohej, ndërkohë që ishte i plagosur. Nuredin Dumani ishte personazhi më i kërkuar i drejtësisë shqiptare në vitet e fundit. Me dëshminë e tij, Nuredin Dumani ndihmoi hetuesit e SPAK të shkatërrojnë 8 banda kriminale. Në operacionin “Plumbi i artë” të SPAK dhe Policisë u arrestuan 18 persona, mes të cilëve edhe shefi i krimeve, Leonard Palushi.

Pas operacionit të bujshëm “Plumbi i artë” të SPAK, me 18 të arrestuar ata pritet të dalin sot për masë sigurie në Gjykatën e Posaçme, GJKKO.  Nuk dihet nëse personat që do të dalin sot para GJKKO do ndahen në grupe apo do të jenë të gjithë së bashku për t’u njohur me vendimin e gjykatës.

9 PERSONAT QË KANË QENË TË ARRESTUAR

1. Nuredin Dumani, 35 vjeç
2. Henrik Hoxhaj, 40 vjeç
3. Altin Ndoci, 35 vjeç
4. Erion (Andrea) Alibej, 36 vjeç
5. Skerdi Tasi, 31 vjeç
6. Elvis Koçi (Çaushllari), 30 vjeç
7. Ilirian Feci, 47 vjeç
8. Enver Diva, 43 vjeç
9. Besjan Xhixha, 31 vjeç

 9 PERSONAT QË U ARRESTUAN GJATË OPERACIONIT

1. Ardjan Uzuni, 56 vjeç
2. Leonard Palushi, 41 vjeç
3. Gentian Sharra, 48 vjeç
4. Fatos Gosa, 54 vjeç
5. Florenc Çekrezi, 35 vjeç
6. Petrit Qoli, 51 vjeç
7. Agron Qoli, 52 vjeç
8. Agron Qafa, 48 vjeç
9. Asllan Plaku, 30 vjeç