Karabinierët në Bergamo të Italisë arrestuan Carlo Fumagallin, 49 vjeç, i quajtur përgjegjës për mbytjen e gruas së tij, e gjetur e vdekur mbrëmjen e së martës në një makinë, në ujërat e lumit Adda në Fara Gera d ‘Adda.
Autori akuzohet për vrasje të rëndë me dashje. Fumagalli ishte ndaluar nga karabinierët rreth tre orë pasi makina u gjet në lumë, ndërsa ai po endej në komunën e Vaprio d’Adda (Milano). Sipas karabinierëve, që e kanë marrë në pyetje gjatë gjithë natës, ai është hedhur vullnetarisht në lumë me mjetin.
Trupi i Romina Vento, 44 vjeç, ishte gjetur nga zhytësit nga Treviglio në ujërat e Adda në Fara Gera d’Adda, rreth treqind metra larg makinës me të cilën ajo po udhëtonte me burrin e saj, Carlo Fumagalli.
Ky i fundit notoi drejt bregut, duke shpëtuar veten. Burri u gjet nga karabinierët teksa po endej pranë kompanisë së tekstilit ku punon, Visconti di Modrone di Vaprio d’Adda.
Çifti ka dy fëmijë, të cilët ndodheshin në shtëpi në Fara d’Adda në momentin e tragjedisë. Alarmi është ngritur nga persona që kishin dëgjuar britma që vinin nga lumi, pranë grykës së një kanali artificial.
Mbeten ende mister shkaqet e këtij krimi të rëndë.
Discussion about this post