Fundosja e anijes ruse/ Autoritetet ukrainase: Kapiteni humbi jetën gjatë shpërthimit në bord

Moskvas , një nga luftanijet më të rëndësishme të Marinës Ruse u përfshi nga një sërë shpërthimesh pasi flakët mbërritën deri tek municionet në bord

Mediat shtetërore TASS dhe RIA, duke cituar Ministrinë Ruse të Mbrojtjes, njoftuan më herët se anija është dëmtuar rëndë nga incidenti se shkaku i zjarrit po hetohet, ndërsa nuk japin informacione për viktima të mundshme.

Por zyrtarë ukrainas pretendojnë se ishin raketat e lëshuara nga toka ato që goditën Moskvën, e cila ka një domethënie të madhe simbolike për Ukrainën si luftanija e përfshirë në incidentin e famshëm me ushtarët në Ishullin e Gjarprit, të cilët refuzuan t`i dorëzoheshin pushtuesve.

Mirëpo pas mbytjes së anijes shqetësues ishte fakti se fati i qindra pjesëtarëve të ekuipazhit nuk dihej. Raportet e fundit nga Ukraina, kanë bërë me dije sot se kapiteni i anijes ka humbur jetën pas sulmit që iu bë Moskvas nga forcat ukrainase.

Kievi ka sqaruar se Kapiteni i Rangut të Parë Anton Kuprin, 44 vjeç, u vra pasi anija u godit nga raketat Neptun.

“Ai vdiq gjatë një shpërthimi dhe zjarri në bordin e ish-krenarisë së Flotës së Detit të Zi të Federatës Ruse”, tha Anton Gerashenko, këshilltar i ministrisë së brendshme të Kievit.Një njoftim në lidhje me humbjen e jetës së Kapitenit Kuprin, nuk ka ardhur ende nga Moska.