Shqipëria renditet në vendin e 91 mes 145 shteteve sa i takon fuqisë ushtarake.
Sa i takon vendeve të Ballkanit, Shqipëria lë pas në aspektin e fuqisë ushtarake Maqedoninë e Veriut, Malin e Zi, Bosnjen dhe Kosovën, ndërsa Turqia kryeson listën me 8 vendet, e ndjekur nga Greqia, Rumania dhe Serbia.
Sipas “Global Firepower”, SHBA dhe Rusia kryesojnë listën e 145 vendeve, ndjekur nga Kina, India dhe Britania e Madhe.
Renditja bazohen kryesisht në fuqinë ushtarake, por gjatë përpilimit janë marrë parasysh dhe faktorë të ndryshëm, si niveli i sofistikimit të pajisjeve ushtarake, financat, gjeografia dhe burimet.
Një tjetër faktor është dhe sasia e pajisjeve ushtarake dhe trupave që ka çdo vend.
Tre vendet që kanë forcat e armatosura më të dobëta në botë janë Moldavia, Benini dhe Butani. Megjithatë, duhet theksuar se lista është bërë në bazë të armëve konvencionale, ndërsa kapacitetet bërthamore nuk janë marrë si faktor vendimtar.
Discussion about this post