Furgoni përplaset me barrierat dhe përmbyset në mes të autostradës

Një furgon mallrash ka humbur kontrollin dhe pas përplasjes me barrierat mbrojtëse të rrugës është përmbysur.

Aksidenti ka ndodhur mbrëmjen e sotme në autostradën Levan-Fier, në afërsi te spitalit Memorial.

Nga raportimet mësohet se nga aksidenti nuk ka lëndime në njerëz, ndërkohë që është bllokuar qarkullimi në njërin krah të autostradës. Nga të dhënat e para mësohet se shkak i këtij aksidenti dyshohet se është shpejtësia tej normave të lejuara dhe mungesa e ndriçimit në rrugë.