Një aksident ka ndodhur pasditen e së enjtes në aksin e vjetër Fier-Levan në vendin e quajtur Ura e Lvanit, pranë qendrës së qytezës.
Sipas burimeve nga vendi i ngjarjes mësohet se një automjet tip furgon benz me targa AA 588 BR ka përplasur një motomjet me targa CA 276, ku si pasojë drejtuesi i motomjetit është përplasur përtokë.
Po të njëjta burime pohuan se automjeti drejtohej nga një 43-vjeçar ndërsa drejtuesi i motorit ka mbetur i plagosur. Ai është dërguar në për ndihmë mjekësore nga makina të rastësishme në vendin e ngjarjesh, ndërsa bluzat e bardha kanë bërë të ditur se ndodhet jashtë rrezikut për jetën.
Në vendin e ngjarjes ka shkuar dhe policia e qarkullimit rrugor për të zbardhur rrethanat e ngjarjes si dhe për të normalizuar qarkullimin e mjeteve.
Discussion about this post