Kryeministri Edi Rama sëbashku me ministren e Financave Delina Ibrahimaj, ka zhvilluar një takim me importues dhe eksportues, ku ndër të tjera është komentuar dhe furnizimi me energji elektrike.
Kryeministri u kujdes që të përhapte panik te qytetarët kur tha se situata po bëhet çdo ditë e më e vështirë për shkak të luftës, kjo si për t’i paraprirë një rritje të mundshme të energjisë, njëjtë si situata me hidrokarburet.
“Gjërat janë gjithmonë e më keq. Aq e vërtetë është kjo sa të gjitha vendet po gjenden në një situatë të paparashikueshme me rritje të vazhdueshme të çmimit të energjisë. Problemi themelor nuk është thjesht rritja e kostove dhe e çmimit por është mundësia e mungesës së energjisë që të mos dalësh në treg dhe ta gjesh”, tha Rama.
Ndër të tjera, kryeministri Edi Rama ka folur për garancinë sovrane të ofruar në këtë situatë krize, sipas tij me qëllim që të gjithë ata që janë të përfshirë në zinxhirin e ushqimit të kenë mundësinë të shpenzojnë më shumë se zakonisht.
Discussion about this post