Rusia është e gatshme të furnizojë me gaz Bashkimin Evropian, nëse Europa është e interesuar për të, tha përfaqësuesi i ambasadës ruse në Francë, Aleksandër Makogonov në një deklaratë për kanalin BFMTV.
“Pyeteni veten, pyesni liderët evropianë nëse duan gazin rus. Ne jemi të gatshëm t’i furnizojmë ata ,” tha Makogonov kur u pyet nga një gazetar nëse do të ketë gaz natyror në Evropë këtë dimër.
Ai vuri në dukje se vështirësitë me furnizimin me gaz nga Rusia në Evropë ishin kryesisht për shkak të sanksioneve të vendosura në tubacionet e gazit përmes të cilave kryheshin furnizimet.
“Ne sinqerisht do të donim të dinim nëse Europa dëshiron të marrë gazin tonë. Sikur Rusia e ka sanksionuar vetë gazsjellësin, sikur Rusia po bllokon të gjitha furnizimet me gaz. Për shembull, gazsjellësi Yamal-Evropë që kalon përmes Bjellorusisë dhe Polonisë. Është Polonia ajo që e ka sanksionuar. Ata nuk duantë marrin gazin rus. Tani tubacioni është bosh.”
“Nord Stream nuk është më funksional për shkak të vështirësive teknike që lidhen me sanksionet. Nord Stream II nuk u nis. Përfundoi shtatorin e kaluar dhe duhet vetëm një shtypje e një butoni për të filluar punën, por askush nuk e dëshiron atë. Ukraina bllokon pjesën e tubacionit të gazit natyror që kalon nëpër territorin e saj”.
Tubacioni i gazit natyror Yamal-Evropë ishte një nga rrugët për furnizimin e gazsjellësit rus në tregun evropian, ndërsa kapaciteti i tij arriti në 33 miliardë metra kub në vit. Eksportet shkuan nga
Rusia përmes Bjellorusisë në Poloni dhe më tej në Gjermani. Që nga maji, autoritetet ruse, në përgjigje të sanksioneve polake, e kanë ndaluar Gazpromin të përdorë pjesën polake të tubacionit për furnizimin me gaz natyror. Funksionimi i Nord Stream është pezulluar që nga fundi i gushtit, pasi u gjetën keqfunksionime në njësinë e vetme operacionale të stacionit Portovaya gjatë mirëmbajtjes së planifikuar. Siç ka raportuar Gazprom, Siemens i Gjermanisë i ka shqyrtuar problemet dhe ka shprehur gatishmërinë për t’i eliminuar ato, por për shkak të sanksioneve perëndimore, nuk ka mundësi për ta bërë këtë.
Discussion about this post