Gjykata e Durrësit vendosi “arrest në burg” për Hekuran Troplinin dhe Emiliano Pashon, të cilët u arrestuan dy ditë më parë në fshatin Shkallnur pasi iu gjetnë një arsenal armësh dhe municionesh.
Një pjesë e armëve ishin fshehur në një ndërtesë ende të papërfunduar ndërsa pas kontrolleve, u gjetën armë dhe municione edhe në disa vende të tjera. Arrestimi i dy të rinjve u bë pas një blerjeje të simuluar me një agjent të policisë. Ata u kapën në flagrancë pasi lanë vendin e takimit.
Në cilësinë e provës materiale u sekuestruan 4 kallashnikovë me 20 krehra, qindra fishekë luftarake, 1 motomjet që shërbente për të lëvizur si dhe transportuar armët e municionin deri tek blerësit. Gjithashtu policia ka nisur edhe një hetim për të zbuluar të tjerë që kanë blerë armë tek dy të rinjtë e arrestuar.
Discussion about this post