Dy shqiptarë janë dënuar me disa vite burg nga Gjykata në Britaninë e Madhe pasi akuzohen se shpërndanin kokaine të klasit A.
Orest Malushi, 44 vjeç, u burgos për dy vjet e gjashtë muaj nga gjykata e St Albans Crown pasi pranoi se kishte posedim me qëllim për të furnizuar së bashku me partnerin në krim, Olsian Vogli, 31 vjeç, nga Birmingham.
Gjykata dëgjoi sesi oficerët e Agjencisë Kombëtare të Krimit dhe Scotland Yard ndërhynë ndaj shqiptarëve, teksa ata ishin në makinën e Malushit, në korrik të vitit të kaluar, pasi më parë i kishin vënë nën vëzhgim.
Vogli u pa teksa hynte dhe dilte nga një banesë në rrugën Caversham, pranë qytetit Kentish, të cilën e përdorte si strehë pak çaste para arrestimit.
Më shumë se 100,000 £ në para cash dhe një telefon celular me disa karta SIM u gjetën pasi apartamenti u kontrollua.
Policia kontrolloi një çantë shpine të zezë që mbante me vete, e cila kishte gjysmë kilogram kokainë.
Ata gjetën gjithashtu tre telefona celularë dhe dy kilogramë e gjysmë kokainë të tjera, të cilat ishin fshehur brenda një koshi të përshtatur posaçërisht në kutinë e dorës së makinës së Malushit.
Dyshja u deklaruan fajtorë për posedim të kokainës me qëllim furnizimin, gjatë seancave të mëparshme, dhe u dënuan me dy vjet e gjashtë muaj dhe pesë vjet e katër muaj, respektivisht në gjykatën Harrow Crown të martën.
Andrew Tickner nga zyra e NCA-së, tha: “Kokaina e furnizuar nga Olsian Vogli dhe Orest Malushi po gjeneronte qartë fitime të mëdha për grupin e krimit të organizuar që ata i përkisnin, siç tregohet nga shuma e parave cash që gjetëm në apartament.
“Fshehja në makinën e Malushit ishte në fund të fundit një përpjekje e kotë për të fshehur kriminalitetin e tij, por tregon kohën dhe vëmendjen që furnizuesit e drogës do t’i kushtojnë profesionit të tyre kriminal”, tha ai.
Discussion about this post