Moti i keq pritet të përfshijë sot vendin tonë, ndërsa situata më e keqe parashikohet në qytetin e Vlorës. Që në mëngjes atje ka nisur erë e fortë dhe rrebeshe shiu. Duke qenë se rreziku është tepër i lartë, Bashkia e Vlorës iu ka bërë thirrje qytetarëve që të tregohen të kujdesshëm dhe të shmangin lëvizjet e panevojshme.
“Stuhi te forta do të intensifikohen në vazhdim, për këtë arsye do t’ju luteshim të shmangni lëvizjet e panevojshme me automjete në akset problematike si dhe parkimin e automjeteve në to. Paralajmërimet e meteorologëve për fortuna kërkojnë të jemi të kujdesshëm! Kujdesuni për veten dhe familjet tuaja”, thuhet në njoftim.
Ndër të tjera lajmërohet se disa zona në këtë qytetet kanë pasur probleme me energjinë që nga nata e kaluar për shkak të erës së fortë që ka dëmtuar linjat elektrike. “Era ka sjellë probleme me furnizimin me energji elektrike për disa zona të Vlorës. Orikum, Radhimë e deri në Llogora kanë mbetur pa energji që prej orëve të mbrëmjes. Problemë me energjinë edhe zona e Lumit të Vlorës dhe Selenicës. Nga ana tjetër era ka bërë dëme në aksesorë baresh e restorantesh në shëtitoren Lungomare. Lundrimi detar qëndron i pezulluar për mjetet e vogla, peshkarexhat dhe Tragetin e linjës së Brindisit”, thuhet në njoftim. Ndërkaq mot i keq parashikohet edhe në juglindje të vendit, kur në raste të tilla ka gjithmonë probleme.
Discussion about this post