Kryetarja e LSI, Monika Kryemadhi ka dalë sot në një reagim për mediat pas dokumenteve të reja që ajo do të dorëzojë në SPAK lidhur me 24 kompanitë që kanë kryer evazion fiskal me Klodian Zoton, “bosin” e inceneratorëve.
Kryemadhi ka akuzuar kryeministrin Rama se do të shpërqendrojë vëmendjen nga korrupsioni.
“Është futur në një sulm të vërtetë për të çorientuar objektivin kryesor të zbardhjes së inceneratorëve jo vetëm të Elbasanit dhe Fierit për të cilët ka nisur një hetim dhe ka disa veprime por për të nxitur sistemin e drejtësisë për të ndaluar apo dhe për të frenuar skemën me korruptive që është në inceneratorin e Tiranës, i cili ka te beje lidhje me një angazhim financiar të gjithë qytetareve të Shqipërisë për 30 vjet ne një investim që nuk ekziston”, tha Kryemadhi.
Kryemadhi tha se janë me mijëra fatura që tregojnë evazionin fiskal që do të bëhen publike pasi të dorëzohet shtesë padia në SPAK.
“Nuk mund t’u jap dot fatura sa të dorëzoj totalisht në SPAK, me qindra mijëra, se janë me qindra mijëra fatura. Po ju nxjerr vetëm njërën nga faturat, një nga faqet e librit te shitjeve. Te gjitha janë fatura që vlerat shkojnë 220 mln lekë, 57 mln lekë, 89 milionë lekë, e janë fatura të hedhura në sistemin e drejtorisë së Tatimeve. Fusha e betejës sonë është SPAK, ne jemi në SPAK, SPAK në momentin që do tregojnë që është arbitër i drejtë mbi të gjitha historia është që Rama s’mund të vjedhë 189 milionë dollarë me fatura me letra me fakte të mara nga buxheti i shtetit e të futura në xhepat e tij për të blerë dhe deklaratën e inceneratorëve që doli sot e cdo gjë tjetër që i duhet për të larguar vëmendjen nga korrupsioni Po të kishte drejtësi, sot Edi Rama do ishte koleg me Alqi Bllakon dhe Lefter Kokën”, tha Kryemadhi.
Discussion about this post