Fushata e ndërmarrë nga kryeministri i Edi Rama në mediet ndërkombëtare për strehimin e afganëve në Shqipëri duket se ka dështuar. Ndonëse zyrtarisht Shqipëria ka strehuar 275 afganë qeveria zotohet se ka kapacitetet për të pritur 4-5 mijë refugjatë mediet nuk e përfshijnë Shqipërinë në mesin e vendeve pritëse. “The Economist” teksa bën një analizë të vendeve që po strehojnë afganët nuk e rendit fare Shqipërinë në këtë listë.
Në grafikun e publikuar nga gazeta në shkrimin me titull “Arratisje nga Afganistani, frikë dhe terror teksa evakuimi hyn në fazën finale”, Shqipëria nuk është.
Në këtë listë kampionët e pritjes së afganëve rezultojnë se janë SHBA që pret 105 mijë refugjatë, Pakistani me 22 mijë refugjatë, Britania e Madhe me 13.708, Gjermania me 5347, Italia me 4900, ndërsa lista mbyllet me vendet që kanë pritur më pak që janë Polonia apo Suedia.
Teksa kryeministri Rama është fokusuar prej kohësh në dhënien e intervistave për mediet ndërkombëtare duke kritikuar vendet e Nato-s dhe Bashkimit Europian që sipas tij nuk janë të ndërgjegjësuar për situatën në Afganistan, rezulton krejt e kundërta. Grafiku tregon numrin e shteteve dhe numrin e afganëve të strehuar në secilin vend.
