Disa fshatra të Krujës janë pa energji elektrike që prej ditës së djeshme. Kjo situatë ka irrituar fermerët të cilët kanë komplekse blegtorale dhe mungesa e energjisë i ka shkaktuar dëme. Muharrem Hoçja tregon se sasia e qumështit të djeshëm në kompleksin e tij ka skaduar nga mos funksionimi i sistemit të ftohjes.
“Nuk ka energji elektrike në gjithë rrethinat e Krujës. Disa herë ka ndodhur, këta nuk e kanë vetëm këtë ditë të mbarë e të mirë. Çdo ditë, çdo vit, çdo muaj vetëm energjia, energjia. Mirë që energji nuk ka, vjen nën kapacitet, i bëj thirrje OSHEE të ngrejë grupe të shohë defektin. Urdhëro, 150 mijë lekë qumësht të prishur mbrëmë. U bëmë gazi i botës duke kërkuar të drejtat tona, nuk jemi duke kërkuar lekë. Jemi duke kërkuar atë që i paguajmë. Jemi 24 orë pa energji. Ditë Bajrami edhe sot nuk ka, as telefonat nuk i hapin. Të hënën në shenjë proteste do t’ia hedh qumështin në sallon OSHEE-së.”
Sipas tij, asnjë nga drejtuesi e OSHEE në Fushë-Krujë nuk është përgjigjur për mungesën e energjisë, ndaj ai u shpreh se në shenjë proteste qumështin e grumbulluar do ta shkarkojë pranë zyrave të OSHEE.
Fshatrat të tjerë janë ankuar mbrëmjen e kaluar se festa e Kurban Bajramit i ka gjetur në errësirë.
Discussion about this post