Tapeti i kuq i sivjetshëm i Festivalit të Filmit në Kanë pati jo pak pamje të veçanta, për të cilat do të flitet gjatë edhe ditë më pas. Ansambli prej lëkure i Irina Shayk , fustani i kuq i Isabel Goulart , rrokullisjet e Jennifer Lawrence dhe fustani princëror i Dukeshës, janë sigurisht ndër paraqitjet më mbresëlënëse të këtij viti në Croisette.
E atëherë kur mendonim se tani e tutje “gjetjet” stilistike do të qetësoheshin, u shfaq Heidi Klum .
Modelja gjermane e njohur për zgjedhjet e saj të stilit seksi, tërhoqi vëmendjen e të gjithëve, me veshjen e saj mbrëmjen e së mërkurës më 25 maj, në premierën e The Pot-au-Feu.
Me një fustan të verdhë Zuhair Murad me një dekolte mahnitëse, me lidhëse, bizhuteri vezulluese mbi supe, një e çarë seksi në këmbë dhe një pelerinë e krijuar që të kujton krahët e fluturës, Heidi Klum me këtë pamje, sigurisht do të mbetet në histori.
Discussion about this post