Kategoria e Parë na ofron ditën e sotme një duel me aromë Superioreje. Në fushë do të zbresin plot 26 tituj kampionë të Shqipërisë.
Dinamo e Tiranës pret në kryeqytet Skënderbeun e Korçës, në sfidën e vlefshme për javën e 15-të të nivelit të dytë të piramidës së futbollit në Shqipëri.
“Nëndetësja” ndodhet në vendin e parë dhe kërkon arratinë nga ndjekësit për t’u afruar akoma dhe më shumë me objektivin “Superiore”.
I njëjti objektiv për të cilin luajnë dhe korçarët, të cilët së fundmi kanë gjetur një formë mjaft të mirë dhe nuk kërkojnë të ndalen. Takimi i shumëpritur do të startojë në 13:00.
Discussion about this post