Presidenti i Federatës Shqiptare të Futbollit, Armando Duka ka bërë me dije ditën e sotme se ka ndërruar jetë ish-futbollisti i mirënjohur Robert Jashari.
Jashari ka luajtur për disa vite tek Partizani ku edhe ka arritur që të fitojë edhe 6 kampionate dhe është shpallur 3 herë golashënuesi më i mirë i ligës.
Duka shkruan:
“Kjo e shtunë nisi me një lajm që na hidhëroi shumë. Është ndarë nga jeta Robert Jashari, ish-futbollisti i njohur i ekipit kombëtar të Shqipërisë dhe i Partizanit në vitet 1950-60.
Një personalitet me shumë vlera që do të na mungojë të gjithëve, do t’i mungojë futbollit shqiptar.
Dua t’i shpreh ngushëllimet me të sinqerta familjes, të afërmve dhe miqve të Robert Jasharit. Kujtimi i tij do të mbetet i paharrueshëm. U prehtë në paqe!”.
Discussion about this post