Skandali i eskortave të luksit në Milano po zgjerohet gjithnjë e më shumë, duke përfshirë emra të njohur të futbollit italian dhe duke marrë përmasa të mëdha në opinionin publik.
Sipas hetimeve të Prokurorisë së Milanos, mbrojtësi i Interit, Alessandro Bastoni, rezulton deri tani si i akuzuar për “prostitucion me të mitur”, ndërsa autoritetet po vijojnë verifikimet për një rrjet më të gjerë të dyshuar.
Burime pranë hetimit bëjnë me dije se Guardia di Finanza ka thirrur për sqarime edhe disa futbollistë të tjerë të njohur, të cilët nuk janë të pandehur, por persona që mund të kenë dijeni mbi rrethanat e çështjes.
Mes emrave që përmenden në dosje janë Riccardo Calafiori, mbrojtësi i Arsenalit dhe i kombëtares italiane, Kevin Bonifazi, ish-lojtar i Bolonjës, si dhe Daniel Maldini, sulmuesi i Lazios dhe djali i legjendës Paolo Maldini.
Sipas të dhënave hetimore, emrat e tyre figurojnë në disa mesazhe të sekuestruara gjatë hetimeve për rrjetin e dyshuar të prostitucionit me klientelë të zgjedhur.
Autoritetet theksojnë se futbollistët e përmendur nuk akuzohen për ndonjë vepër penale, por janë thirrur vetëm si persona në dijeni të fakteve, për të ndihmuar në zbardhjen e plotë të çështjes.
Ndërkohë, në Itali ka nisur një debat i gjerë mbi ndikimin e këtij skandali në imazhin e futbollit dhe figurave publike, ndërsa hetimet pritet të vijojnë me marrjen në pyetje të personave të tjerë të përfshirë në dosje.
Discussion about this post