Klajvert Çuni ndërroi jetë dje në Spitalin e Traumës ku ndodhej i shtruar prej 23 marsit pasi ra aksidentalisht nga taraca e biznesit të familjes në fshatin Torovicë.
I riu ishte futbollist i akademisë së Shënkollit.
Lidhur me rastin ka reaguar presidenti i FSHF-së, Armand Duka. Ai shpreh ngushëllimet e sinqerta për familjarët, të afërmit dhe miqtë e 21-vjeçarit.
“Lajmi për humbjen e jetës së Klajvert Çunit, të riut të rritur në akademinë e Shënkollit, më ka pikëlluar mua dhe çdo anëtar tjetër të komunitetit të futbollit. Shpreh ngushëllimet e mia të sinqerta për familjarët, të afërmit dhe miqtë e Klajvertit! U prehtë në paqe! Ditë të tilla janë të zeza për këdo, jo vetëm për komunitetin tonë të futbollit”, shprehet Duka.
Discussion about this post