Luajti në Europian me Shqipërinë, ish-mesfushori emërohet si trajner në Superligën zvicerane

Migjen Basha është zyrtarizuar sot si trajner i përkohshëm, bashkë me Markus Neumajr, te klubi i Luzan Sport. Ky vendim erdhi pas shkarkimit të Peter Zeidlr, për shkak të rezultateve larg pritshmërive.

Vendimi i klubit të Superligës zvicerane erdhi në moment mjaft të vështirë. Luzana deri tani është parë duke luftuar për mbijetesën.

Basha është një emër i njohur, pasi largohej nga moshat e Zvicrës për të përfaqësuar Shqipërinë. Me fanellën kuqezi luajti edhe në Europianin 2016.

Njofimi i Luzanës:

“Për të përfunduar sezonin, skuadra e parë do të drejtohet nga një dyshe e përbërë nga Markus Neumayr dhe Migjen Basha, të dy anëtarë të stafit të trajnerëve të skuadrës së parë.

Markus Neumayr, i cili iu bashkua klubit verën e kaluar nga FC Basel, shërbeu si ndihmës trajner këtë sezon.

Migjen Basha, një ish-lojtar i Kombëtares shqiptare i lindur në Lozanë, iu bashkua klubit në vitin 2022 dhe aktualisht mban pozicionin e Menaxherit të Talenteve”.

https://www.instagram.com/p/DXL5y_ajdxu/?utm_source=ig_web_copy_link&igsh=NTc4MTIwNjQ2YQ==

gijotina.com/

Etiketa: migjen basha