“Fute në sistem, s’e ke Ketën aty?”/ Përgjimet, mjekja Pere del nga gjykata me version tjetër: S’jam unë, jemi 3 Alketa

Mjekja Alketa Pere, një nga shtatë të dyshuarit në skandalin tek onkologjiku, dha një deklaratë për mediat sapo doli nga gjykata.

Ajo duket se ka ndryshuar versionin e saj, teksa u shpreh se nuk ka qenë ajo që përmendet tek përgjimet e mesazheve.

Alketa Pere përmend një emër tjetër, po ashtu kolege tek Spitali Onkologjik.

Gazetarët: Çfarë ndodhi në seancë?

Alketa Pere: Asnjë gjë nuk ndodhi. Për sa i përket mesazhit, nuk isha unë Alketa, por Alketa administratorja, Alketa Ilo. Tek onkologjiku jemi tre Alketa.