Pak kohë pasi u shpall në kërkim nga policia shqiptare, ekstremisti Luigj Marku ka rënë pre e dhunës në një park në Dublin. Mësohet se gjithçka ka ndodhur në momentin që ai ndodhej ‘Live’ në TikTok, Marku është kapur nga disa persona që e kanë goditur. Në këtë, videoja është ndërprerë, ndërkohë që në audio dëgjohen goditjet dhe sharjet ndaj Markut.
Luigj Marku është bërë i njohur në rrjetet sociale, pasi publikon video në Tik-Tok ku kërcënon dhe ofendon myslimanët. Shumë herë, ai ka shprehur urrejtjen ndaj myslimanëve të Kosovës dhe Maqedonisë së Veriut, të cilët zgjedhin t’i kalojnë pushimet pranë bregdetit shqiptar. Me një fjalor fyes, radikali kërkonte që myslimanët të mos vinin më në Shqipëri, ndryshe do t’i dhunonte.
Luigj Marku u bë i njohur në internet pas sherrit virtual me reperin Stresi, ku i fyente familjarët.
Stresi më pas e kërcënoi publikisht duke i thënë se “do i presë fytin”. Reperi tropojan tha se do shkojë deri në Dublin, ku mendohet se jeton 36-vjeçari, dhe do e bëjë copa-copa live.
“Mbajeni mend që do ta gjej, ky babloku atë Luigj Markun do shkojë në Dublin ta kapë. Po e zura do ia pres fytin atij p*** r****i! Ja tregoj unë atij, jam betuar. Kam me bo copa-copa live atë njeri. Çfarë do i bëj atij që shan.”, është shprehur reperi.
Discussion about this post