Fyeu dhe u përplas me efektivët e policisë, arrestohet 38-vjeçari në Gjirokastër

Një 38-vjeçar ka rënë në prangat e bluve të Gjirokastrës pasi ka kundërshtuar efektivët e policisë. Mësohet se në pranga ka rënë i riu me iniciale G.L. Ky shtetas, në vendin e quajtur “Qafa e Pazarit” në Gjirokastër”, ka kundërshtuar dhe ka fyer me dhunë punonjësit e Policisë Bashkiake , të cilët po kryenin detyrën për lirimin e hapësirave publike. Akuzat që rëndojnë ndaj tij janë “Kundërshtimi i punonjësit që kryen një detyrë shtetëore ose një shërbim publik dhe prishja e qetesisë publike”
“Specialistët e Seksionit për Hetimin e Krimeve në Komisariatin e Policisë Gjirokastër arrestuan në flagrancë shtetasin G. L., 38 vjeç, banues në Gjirokastër, pasi në vendin e quajtur “Qafa e Pazarit”, Gjirokastër, ka fyer dhe kundështuar me dhunë punonjësit e Policisë Bashkiake, të cilët po kryenin detyrën për lirimin e hapësirave publike. Materialet në ngarkim të shtetasit G. L. i kaluan Prokurorisë pranë Gjykatës së Shkallës së Parë Gjirokastër, për veprat penale “Kundërshtimi i punonjësit që kryen një detyrë shtetërore ose një shërbim publik” dhe “Prishja e qetësisë publike””-njofton policia.