Një video e zyrtarëve të Ministrisë së Punëve të Brendshme të Serbisë gjatë natës së ndërrimit të viteve, është bërë virale kudo në rrjet. Zyrtarët serb shfaqen duke kënduar këngë që lartësojnë gjenocidin e bërë në Srebenicë, ndërsa theksojnë gjuhën e urrejtjes ndaj popullit shqiptar. Ata dëgjohet të këndojnë në kor me thirrje raciste që nxisin dhunën dhe krimin ndaj minoriteteve shqiptare në Serbi.
Ndaj kësaj video të paprecedentë ka reaguar deputeti shqiptar në Kuvendin e Serbisë, Shaip Kamberi, i cili ka shkruar se këto vargje janë fytyra e vërtetë e Serbisë dhe presidentit Aleksandar Vuçiç.Në të njëjtën kohë Kamberi ka theksuar se këto veprime janë të pritshme kur ka ende zyrtarë serbë mohojnë krimet e luftës ndaj Kosovës.
“Këngët e policëve për Srebrenicë të re në Sanxhak janë fytyra e vërtetë e Serbisë së Vulinit dhe Vuçiqit. “O Pazar – Vukovari i ri, oj Sjenicë – Srebrenicë e re”. Këto janë vargjet të cilët gjatë festimit të vitit të ri i kënduan disa pjesëtarë të policisë që veprojnë në zonën e Sanxhakut. Ato i publikuan me krenari edhe në rrjetet e tyre sociale. Sigurisht. Çfarë të pritet nga polici kur Ministri i tij mohon çdo ditë gjenocidin e Srebrenicës, me heshtjen miratuese të Presidentit Vuçiq. Këngët e policëve në Sanxhak janë fytyra e vërtetë e Serbisë së Vulinit dhe Vuçiçit”, ka shkruar Kamberi.
Discussion about this post