I dërguari special i presidentit amerikan Joe Biden për Ballkanin Perëndimor, Gabriel Escobar, deklaroi ditën e sotme se SHBA mbështet çdo iniciativë të popujve të Ballkanit për të ecur përpara. Sipas tij të njëjtën mbështetje jep edhe për ‘Open Balkan’ . Sipas tij, SHBA do të japë kontributin e saj që kjo iniciativë të jetë produktive.
“Unë e kuptoj hezitimin për Ballkanin e Hapur. SHBA mbështesin të gjitha nismat që integrojnë ekonomikisht rajonin, përfshirë Ballkanin e Hapur, iniciative qe aktualisht përfshin Maqedoninë e Veriut, Serbinë dhe Shqipërinë. Njerëzit e biznesit, të rinjtë, ekonomitë po zhvillohen dhe autoritetet boshnjake duhet të kuptojnë se ky është një shans dhe ata duhet të shkojnë në atë drejtim. Ne e shohim Ballkanin e Hapur si një shans dhe do të sigurojmë që kjo iniciative të jetë efektive jo për përfitime politike, por për të ngritur rajonin në nivelin e standardeve evropiane”, theksoi ai.
Ndër të tjera, ai tha se sanksionet amerikane kundër politikanëve boshnjakë, duke përfshirë mjete të tjera efektive ekonomike, janë një opsion real.
Discussion about this post