Një video e filmuar nga ajri dhe bisedat e ushtarëve rusë dhe të eprorëve të tyre që janë përgjuar nga ukrainasit, kanë shaqur momentin kur ushtria e Vladimir Putinit gabimisht bombardon trupat e saj për dy orë në veri të Bakhmutit, duke i ngatërruar me ushtarë ukrainas.
Bisedat në radio-lidhje të përgjuara nga ukrainasit qysh në korrik, tregojnë gjendjen reale në të cilën gjendet ushtria ruse në Ukrainë.
Eprorët rusë i kishin ngatërruar forcat e tyre me ato të ukrainasve, dhe kështu kishin dhënë urdhër për sulm me artileri dhe armë tjera të rënda. Pavarësisht se ushtarët që goditeshin pandërprerë për më shumë se dy orë, bënin thirrje për ndalje të zjarrit – duket se kërkesa e tyre nuk po dëgjohej.
Pasi bombardimet ruse u ndalën, ukrainasit iu vërsulën dhe arritën për pak minuta të marrin pozicionet mbrojtëse të rusëve. Në anën tjetër, numri i ushtarëve rusë të vrarë mendohet të jetë shumë i madh në këtë gabim amatoresk, ku u qëlluan pikërisht nga bashkëluftëtarët e tyre.
Discussion about this post