Vijon gara e “ethshme” në Britaninë e Madhe për zëvendësimin e Boris Johnson pas dorëheqjes së tij nga posti i kryeministrit. Rishi Sunk siguroi serish më shumë vota midis deputetëve konservatorë, por Penny Mordaunt ka fituar terren në rivalin e saj.
Pesë kandidatët që kanë kaluar në raundin e dytë të votimit janë: Rishi Sunak me 101 vota, Penny Mordaunt me 83 vota, Liz Truss me 64 vota, Kemi Badenoch me 49 vota dhe Tom Tugendhat me 32 vota.
Boris Johnson dha dorëheqjen pas një sërë largimesh brenda Partisë së tij Konservatore, duke thënë në një fjalim drejtuar kombit se procesi i zgjedhjes së një kryeministri të ri “duhet të fillojë tani”
.
Megjithatë, Johnson nuk planifikon të largohet menjëherë nga detyra. Ai do të qëndrojë derisa të vendoset një udhëheqës i ri, tha ai, në një fjalim televiziv jashtë 10 Downing Street.
Discussion about this post