Pak më para ka përfunduar mbledhja e Komisionit të Rithemelimit në selinë e PD, ku janë diskutuar emrat për anëtarët e Kryesisë të cilët do t’i çohen ditën e shtunë për votim Këshillit Kombëtar.
Pas përfundimit ka folur dhe kryetari i Partisë Demokratike, Sali Berisha i cili është shprehur se të gjithë u angazhuan në këtë proces dhe dhanë një kontribut substancial në rikthimin e pluralizmit të vërtetë politikë në Shqipëri, Rithemelimin e PD, si forcë politike opozitare e vërtetë.
“Komisioni në mbledhjen e tij, siç parashikon statuti, ka miratuar listën e kandidatëve për kryesinë e PD, që do të zgjidhet nesër nga Këshilli Kombëtar i kësaj partie. Janë propozuar kandidatura me kredenciale të shkëlqyera politike, por edhe kandidatura të reja. Anëtarët e Këshillit Kombëtar do të kenë mundësi që të zgjedhin me kandidatura alternative Kryesinë e PD. Ju do mund të shihni në ekran çdo votë për çdo kandidat të votuar në listë”, tha Berisha ndër të tjerash.
Discussion about this post