Në ambientet e repartit të RENEA-s është zhvilluar ditën e sotme faza e 3-të e testimit për kandidatët që garojnë për postin drejtues të Byrosë Kombëtare të Hetimit (BKH) strukturë e posaçme pranë SPAK.
Faza e 3-të i përket asaj të testimit fizik ku të përfshira janë ushtrimet; pompa, 300 metra sprint dhe 2.4km vrapim. Testimi ka nisur në orën 07:30 të mëngjesit dhe u ndoq nga anëtari i Komisionit të Posaçëm, prokurori Behar Dibra si dhe të pranishëm ishin dhe profesorë të Fiskulturës nga Universiteti i Sporteve, të cilët kanë bërë dhe vlerësimin.
Në garë aktualisht janë 7 kandidatë, ndërsa nesër pritet dhe dalja e rezultateve për të parë se cilët prej tyre do të kalojnë në fazën e radhës. Pas testimit fizik, kandidatët do t’i nënshtrohen testimit në ese, plografit dhe më pas intervistë.
Kandidatët në garë për kreun e BKH:
- Andi Pogaçe
- Artur Beu
- Elton Kërluku
- Gentian Ndoi
- Gentjan Shehaj
- Gledis Nano
- Joni Keta
Discussion about this post