Gara për kreun e BKH: Skualifikohen 6 kandidatë, 7 ende në garë (Emrat) -

Procesi për përzgjedhjen e kreut të ri të Byrosë Kombëtare të Hetimit ka hyrë në një fazë të re, pasi janë skualifikuar 6 nga 13 kandidatët fillestarë. Kandidatët e skualifikuar janë përjashtuar nga gara për shkak të mospërmbushjes së kritereve dhe mungesave në dokumentacionin e dorëzuar.

në Aktualitet

Kohë leximi: 2 min

Komisioni i Përzgjedhjes brenda Strukturës së Posaçme Antikorrupsion, që po shqyrton kandidaturat për kreun e ri të Byrosë Kombëtare të Hetimit, ka skualifikuar nga gara 6 nga 13 kandidatët që kishin aplikuar për këtë pozicion, duke dorëzuar dokumentacionin fillestar.

Në përfundim të mbledhjes, pas përmbushjes së kritereve ligjore, Komisioni i Përzgjedhjes vendosi kualifikimin për fazën e parë të këtij procesi dhe vijimin në fazën tjetër të konkurrimit për kandidatët e mëposhtëm:

Andi Pogaçe
Artur Beu
Elton Kërluku
Gentian Ndoi
Gentjan Shehaj
Gledis Nano
Joni Keta

Kandidatët e përzgjedhur do të vazhdojnë konkurrimin për fazat e tjera të procesit.

Kujtojmë SPAK shtyu afatin për nisjen e procedurave për përzgjedhjen e drejtuesit të ri të BKH-së deri ditën e martë, më 24 qershor.

Kjo shtyrje erdhi si pasojë e dorëzimit të parregullt të dokumentacionit nga ana e 11 prej 13 kandidatëve të regjistruar fillimisht në garë. Vetëm dy prej tyre kishin plotësuar të gjithë dokumentacionin sipas kërkesave të përcaktuara.

Emrat e 13 kandidatëve që aplikuan për postin e kreut të BKH-së: