Kandidati për kreun e degës së PD-së në Shkodër, Emiliano Çekini, është tërhequr nga gara. Në një postim në Facebook, Çekini shkruan se për shkaqe shëndetësore dhe angazhime familjare nuk do të marrë pjesë në procesin e zgjedhjes së kreut të PD-së në Shkodër. Ai ka shprehur mirënjohje për votuesit dhe e mbyll shkrimin e tij me thirrjen për pjesëmarrje masive në votim ditën e nesërme.
“Të nderuar miqtë e mi! Dua të falënderoj të gjithë Anëtarët Demokratë, për propozimin dhe për mbështetjen e tyre, për ti përfaqësuar në drejtimin e Kryetarit të Partisë Demokratike Shkodër.
Me keqardhje , e ndjej detyrim t’ju informoj , që unë nuk do jem kandidat në procesin e votimit për përzgjedhjen e kryetarit të degës , kjo për shkak të angazhimeve të mija familjare, për arsye shëndetësore ! Votimet zhvillohen nesër në hollin e Teatrit Migjeni, nga ora 08⁰⁰-19⁰⁰. Ju ftoj që të marrim pjesë masivisht në votime dhe të përzgjedhim më të mirin për të na përfaqësuar . Respekt për secilin nga ju që më keni mbështetur , besoj që sëbashku do ecim përpara për të mirën e vendit dhe të Shqiptarëve” – shkruan Çekini në facebook.
Discussion about this post