Gara për kreun e SPAK, mungon 1 anëtar i KLP (EMRI)

Në orën 10:00 nisi seanca për zgjedhjen e kreut të SPAK, ku një nga tre kandidatët do të marrë drejtimin e kësaj strukture e cila heton krimin dhe korrupsionin në nivele të larta.

Në seancën e KLP-së janë të pranishëm dhe përfaqësues të OPDAT, delegacioni Komisionit Europian, dhe kryeprokurori Olsian Çela. 11 anëtarët e KLP-së u raportua se do votonin për kreun e ri të SPAK, mirëpo sot mungon një prej tyre, Esmeralda Keshi.

Kujtojmë se Adnand Xholi, Altin Dumani dhe Edvin Kondili do të shpalosin platformat e tyre për drejtimin e SPAK, megjithëse procesi mbetët vetëm formal pasi tashmë Rama ka ndërhyrë duke zgjedhur të preferuarin e tij.