Këtë të dielë do të mbahen primaret nga partia e Rithemelimit, për të caktuar kandidatin i cili do të garojë në zgjedhjet e pjesshme më 24 shtator për Bashkinë Kukës.
Kryesia e PD ka përzgjedhur pesë emrat të propozuar nga baza e demokratëve të Kukësit të cilët i përmbushin kriteret për të marrë pjesë në primare.
Gara brenda demokratëve do të zhvillohet mes Arif Rexhmati, Ardian Elezi, Emri Vata, Gezim Shehu dhe Ylber Zeneli.
Qendra e votimit do të jetë te Pallati i Kulturës ‘Hasan Prishtina’ Kukës. Procesi i votimit ka filluar në orën 08:00 dhe përfundon në orën 18.00
Kryesia vendosi që të skualifikojë nga gara e primareve vetëm emrin e Uran Cengut, për mos plotësim të kritereve. Ndërkohë, Admir Sinamati, cili humbi në zgjedhjet e 14 Majit nën logon e koalicionit “Bashkë Fitojmë”, ka vendosur që të mos kandidojë për herë të dytë.
Koalicioni “Bashkë Fitojmë”, pasi të dali fituesi i primareve të PD do të nis punën për fushatën elektorale e cila fillon më 11 Shtator.
Partitë politike që do të marrin pjesë në zgjedhje duhet që të regjistrohen në KQZ deri më datën 1 Shtator, ndërsa koalicionet kanë mundësi të regjistrohen deri më 6 Shtator. Kandidatët e pavarur mund të regjistrohen më 8 Shtator.
Discussion about this post