Deputetja e Partisë Demokratike, Ina Zhupa, ka folur sot gjatë një interviste televizive për zgjedhjen e presidentit të ri. Ajo u shpreh se, opozita duhet të marrë pjese në procesin e zgjedhjes së presidentit të ri të vendit, dhe në këtë mënyrë do të vërtetohet nëse ftesa e kryeministrit Edi Rama është e vërtetë apo farsë. Më tutje ajo nënvizoi se opozita duhet të bëhet pjesë e negociatave, jo nëpërmjet zarfeve e pazareve, por me një platformë dhe emra konkretë për presidentin.
“Ne deri tani kemi thënë se Edi Rama do ta kapi edhe institucionin e presidentit. Këtë gjë do ta marr të ‘mirëqenë’. Si mundet ne që t’ia tregojmë shqiptarëve se realist vullneti i Edi Ramës është që të kapë institucionin e presidentit. Ne duhet të bëhemi pjesë e procesit jo e negociatave sekrete, e pazareve por duke mbajtur një qëndrim që ne jep kushtetuta. Ne duhet të paraqesim platformën tonë për kriteret dhe profilin që duhet të ketë dhe duhet të japim emrat tonë për kuadrin dhe profilin që na përshtatet për presidentin e ri. Aty do të kuptojmë nëse Rama e ka farsë apo procesin”, është shprehur ajo .
Zhupa, tha se një emër i gjithë pranuar nga të palët për president, mund të ishte doktor Halim Kosova. “Për mua ka shumë rëndësi procesi, opozita ka bërë gabime për mospërfshirjes në procese të caktuara. Duhet të bësh publike disa emra. Mendoj se janë të pranueshëm edhe për mazhorancën. Unë mund të sjell raste të personaliteteve që janë të djathtë por që kanë marrë vlerësime edhe nga e majta, ja do të them Halim Kosovën. Nuk besoj e ka njeri dyshime se profili i dr. Kosovës është një profil që do të bëhet vegël politike. Të bëhemi pjesë e procesit, të japim figura tonat. Procesi të jetë i hapur dhe jo me zarfe”, tha Zhupa. Ndërsa sipas saj, opozita nuk duhet të lejoj që ky proces te cenohet nga ndërhyrjet miqësore.
Discussion about this post