Enkelejd Alibeaj do të mbledhë nesër grupin parlamentar të Partisë Demokratike për të diskutuar mbi procesin për zgjedhjen e presidentit të ri. Edhe pse ish-kryeministri Sali Berisha nuk e njeh si kryetar të grupit parlamentar të PD-së, Alibeaj ka vendosur të zhvillojë një tjetër mbledhje pasditen e nesërme. Deputetët pritet të grumbullohen në orën 16:00 në selinë blu. Diskutimet do të fokusohen në lidhje me emrin e Presidentit që do të propozohet.
Kujtojmë se, Enkelejd Alibeaj, Fatmir Mediu dhe Mesila Doda janë ftuar nesër për një takim me kreun e grupit parlamentar të Partisë Socialiste Taulant Balla për të nisur zyrtarisht negociatat lidhur me emrin e ri të kreut të shtetit. Vetë Alibeaj tha se do të konsultohet me grupin parlamentar të PD për të dalë më një qëndrim dhe më pas për të diskutuar për procedurat që do të ndiqen. Socialistët nga ana tjetër sot dorëzuan të gjithë nga tre alternativa për zëvendësuesin e Presidentit Ilir Meta.
Discussion about this post