Gjatë konferencës që po mban sot për mediat, Ilir Meta është pyetur në lidhje me qëndrimin e tij për garën që do të zgjedh presidentin e ri. Ai tha se nuk dëshiron të flas fare për këtë proces, madje as për opozitën nuk ndau asnjë këshillë. Sipas Metës, nuk ka më se çfarë të diskutohet që nga momenti kur opozita dogji mandatet, bëri gabimin fatal duke i hapur rrugë qeverisë të abuzojë dhe shkel kushtetutën
“Nuk kam asnjë këshillë për t’i dhënë opozitës sepse kanë bërë gabime fatale, një pjesë me ndërgjegjeje të plotë dhe një pjesë e tyre sepse aq e kishin thellësinë e gjykimit, duke djegur mandatet. Nuk kam asnjë kuriozitet për zgjedhjen e presidentit të ardhshëm. Po t’i shikoni me kujdes këto 45 pikat këtu që ka nxjerrë rezuoluta e PE, këto i kam ngritur unë si probleme”, u shpreh Meta. Ndërsa tha se nuk pret një garë reale dhe transparente.
Discussion about this post