Formula 1 mbylli sot një sezon emocionues që njohu Max Verstappen si kampion vetëm në xhiron e fundit. Por teksa, gjithë vëmendja ishte tek dueli Verstappen-Hamilton, një legjendë i dha lamtumirën këtij sporti.
Kimi Raikkonen u tërhoqe nga Formula 1 në moshën 42-vjeçare me një titull kampion bote , 21 fitore në gara dhe 103 podiume.
Ai postoi një mesazh të thjeshtë lamtumire në llogarinë e tij në Instagram pas finales në Yas Marina Circuit.
“Mirupafshim Formula 1”, shkruante ish-piloti i Ferrarit.
Para garës, Raikkonen pranoi se mezi priste që sezoni të mbaronte, kështu që ai mund të fokusohej në jetën pas F1.
“Mezi pres të mbaroj sezonin. Është mirë që i vjen fundi dhe po pres me padurim për jetën normale më pas”, kishte thënë finlandezi.
Discussion about this post