“Rrugorja” ka ndjekur “këmba këmbës” një drejtues motori që bënte gara shpejtësie dhe manovra të rrezikshme në rrugë. Drejtuesi i motorit, tip “Kawasaki”, një 33-vjeçar me iniciale S.K jo vetëm që bënte gara shpejtësie por drejtonte mjetin pa leje drejtimi. Menjëherë pas verifikimeve, policia bëri të mundyr arrestimin e 33-vjeçarit dhe gjobitjen e tij.
“Tiranë, Makina inteligjente ndjek dhe kap motomjetin që bënte gara shpejtësie dhe manovra të rrezikshme në rrugë. Gjatë kontrolleve parandaluese për mjetet që bëjnë gara shpejtësie dhe manovra të rrezikshme, në rrugën interurbane Tiranë-Elbasan është konstatuar një motomjet, tip Kaëasaki, duke bërë manovra të rrezikshme në rrugë.
Nga verifikimi i dokumentacionit rezultoi se drejtuesi i motomjetit shtetasi S. K., 33 vjeç, drejtonte motomjetin pa leje drejtimi.
Në vijim të veprimeve u bë arrestimi në flagrancë i shtetasit S. K. për veprën penale “Drejtimi i mjeteve në mënyrë të parregullt” si dhe iu vendos masë administrative me vlerë 40.000 lekë të rinj”, -njofton policia.
Discussion about this post