Pas përfundimit të mbledhjes së qeverisë, ministri i Mbrojtjes Niko Peleshi ka folur për mediat. Ai u pyet se sa të sigurta janë paratë e shqiptarëve në banka, këto kohë që ka patur dhe sulme kibernetike. Në përgjigjen e tij, Peleshi tha se asgjë ka 100% garanci sot.
“Pavarësisht se MB nuk është ministria përgjegjëse, mund ta them ata që dihet, që nuk ka siguri 100%, askush, asnjë institucion publik dhe privat nuk është i sigurt, por mund t’ju them ama se ne e kemi rritur vigjilencën. Jemi në bashkëpunim të ngushtë edhe nga partnerët tanë për mbështetje, në infrastrukturë dhe ekonomi, qoftë në ato që quhen grupet e reagimeve të shpejta. Të gjithë janë të sfiduar, por ne nuk jemi të vetëm, sepse jemi mes një aleanca më të madhe, siç është NATO. Kemi partnerë në krahë shumë të fortë”, deklaroi ministri.
Discussion about this post