Shqipëria ‘ngre’ flamurin Kombëtar në Open Malta, ‘rrëmben’ 2 medalje

Ka përfunduar turneu i peshëngritjes ‘Open Malta’ ku merrnin pjesë 8 shtete europiane, mes të cilëve edhe Shqipëria.

Sportistët shqiptarë kanë shkëlqyer në këtë kompeticion, duke ngritur flamurin shqiptar në Maltë.

Bojken Çela realizoi 5 prova me 52 kilogramë në shkëputje dhe 65 kilogramë në shtytje, me total 117 kg në dy disiplinësh/

Ai u shpall kampion në kategorinë 56 kg dhe mori medalje bronzi, si sportisti i tretë më i mirë i U15. Brando Kolaj realizoi 5 prova me 65 kg shkëputje dhe 72 kg shtytje me total 137 kg në dy disiplinësh.

Ai u shpall kampion i kategorisë 52 kg dhe i dyti më i miri i U15, duke arritur të marrë medalje argjendi. Trajneri Lorenc Çela shprehet se pretendojnë për medalje edhe në kampionatin europian që zhvillohet në muajin gusht në Kosovë.

Ndërkohë kampion i përgjithshëm në këtë kompeticion u shpall italiani Nicolo Aliano.

gijotina.com