Sekretari i Përgjithshëm i Partisë Demokratike, Gazmend Bardhi i është përgjigjur pyetjes së gazetareve nëse kanë njoftuar policinë për protestën e paralajmëruar pasditen e sotme nga Berisha.
Në fjalën e tij, Bardhi ka theksuar se në selinë e PD-së nuk ka pasur asnjëherë as gardë, as FNSH as polici, dhe ato që përhapin lajme të tilla duan të nxisin dhunën mes demokratëve.
“Kemi mbushur selinë me gardistë, FNSH, Gardë asnjë institucion shtetëror, për sot sërish ju njoftoj se nuk kemi njoftuar policinë. Demokratët nuk vendosen përballë njëri tjetrit por duhet të jemi të bashkuar. Ai që më gënjeshtra u thotë demokratëve se disa demokratë të tjerë kanë marrë policin edhe ka ardhur garda vetëm i nxit për dhunë. A mund të ketë demokrat kundër demokratëve? Kurrsesi, por kushdo që po përpiqet që të sajojë lajme të tilla do të dalë zbuluar dhe ka hallin e tij jo të demokratëve”, tha Bardhi.
Sipas tij, demokratët nuk munden të dhunojnë njëri tjetrin, ndaj dhe në protestën e sotme nuk është njoftuar policia pasi secili ka të drejtën e tij të protestojë.
Discussion about this post