Sapo ka nisur seanca plenare në Kuvend këtë të enjte, gazetarët janë urdhëruar që të largohen nga salla. Por gjatë momentit kur një prej gardistëve është përpjekur t’i nxjerrë nga salla gazetarët ka ndodhur një incident. Gazetarët, të indinjuar kanë kërkuar që garda t’i trajtojë me respektin e duhur duke e quajtur punonjësin e gardës “gangster”.
Lidhur me rastin reagoi Sekretari i përgjithshëm i Partisë së Lirisë, Tedi Blushi i cili shprehet se “dëbimi i dhunshëm i gazetarëve nga punimet e seancës së sotme parlamentare dhe pengimi me forcë për ushtrimin e detyrës së tyre është një akt shumë i rëndë dhe sulm i radhës ndaj lirisë së fjalës”.
“Urdhri i paligjshëm i Kryetares së Kuvendit, Lindita Nikolla dhe zbatimi i tij brutal nga patronazhistët e Gardës së Republikës është i dënueshëm dhe vijim i sulmeve të porositura shtetërore të “Rilindjes” ndaj pavarësisë së medias”, shton ai,
Discussion about this post