Kreu i Grupit Parlamentar të Partisë Demokratike, Gazment Bardhi ka reaguar lidhur me incidentin e regjistruar sot jashtë ambienteve të Kuvendit, ku u raportuar se gardistët kanë bllokuar edhe gazetarët që të kryejnë punën.
Bardhi shprehet se ky veprim është jo vetëm i papranueshëm, por tregues i degradimit të regjimit të Edi Ramës.
“Bllokimi i Gardës së Republikës fillimisht ndaj opozitës dhe sot ndaj medias e gazetarëve në krye të detyrës është jo thjesht i papranueshëm, por treguesi më domethënës i degradimit të regjimit të Edi Ramës. Duke dënuar aktin e sotëm të paprecedentë të sulmit ndaj gazetarëve, siguroj që nuk ka Gardë e Polici që mund të mbajë në këmbë një regjim të kalbur nga krimi dhe korrupsioni.”, ka shkruar Bardhi në Twitter.
1/2. Bllokimi i Gardës së Republikës fillimisht ndaj opozitës dhe sot ndaj medias e gazetarëve në krye të detyrës është jo thjesht i papranueshëm, por treguesi më domethënës i degradimit të regjimit të Edi Ramës. pic.twitter.com/kxTSIjEDYE
— Gazment Bardhi (@GazmentBardhi) November 9, 2023
Në momentin kur gazetarët tentuan të afrohen tek disa deputetë për t’i intervistuar, garda ka ndërhyrë dhe i ka penguar. Gazetarët u shprehën se kjo nuk ka ndodhur asnjëherë më parë.
Discussion about this post