Ish-kryeministri, Sali Berisha është paraqitur sërish ditën e sotme pranë ambienteve të Kryesisë së Kuvendit.
Berisha në hyrje të Kryesisë mbajti edhe një deklaratë për mediat.
“Asgjë nuk do mund të ndalë protestën e deputetëve të opozitës në mbrojtje, deri në sakrificat më të mëdha.
Rama urdhëroi të mbyllë me dryn deputetët, këto akte tregojnë degradimin ekstrem.
Kjo betejë është beteja me të keqen më të madhe të historisë pas Enver Hoxhës. Edi Rama bllokon komisionet hetimore parlamentare sese e din që ata do të nxjerrin të gjithë vjedhjet, plaçkitjet, përvetësimit që ai ka bërë me sojin e tij, pasurive publike, fondeve publike.
Rama nuk mund të pranojë komisionin hetimor parlamentar sepse del firmëtar kryesor në aferën, vjedhjen e shekullit djegëset, veçanërisht djegësi i tiranës. Ai del i implikuar, aksioner me Pëllumb Gjokat, Gjergj Lucat e shumë të tjerë, të cilët janë me prejardhje krimi dhe droge.
Nuk mund të pranojë komisionin hetimor parlamentar sepse del që duke shkelur ligje kërkon të emërojë në Himarë përfaqësuesin e mafies së pronave të himariotëve.
Sa vlen hetimi i një kryebashkiaku në krahasim me kryepeshkaqenin e krimit dhe të vjedhjes, Edi Rama? Nuk ka vlerë derisa Rama ti nënshtrohet hetimit parlamentar. E keqja e të keqes është Edi Rama.
Do të nxjerrin sesi për interesa të tij, Porti i Durrësit përfundon në hiç vetëm e vetëm që ky me klanet e tij në Dubai a kudo që i ka, të ndërtojë mbi 12 mijë apartamente…”, tha Berisha.
Discussion about this post